2007年08月04日
三部電影
有些時候, 筆者倒真的覺得一拿起筆寫作, 便不太可能放下. 寫完"他和她"後, 本以為可休息三四天看看書, 誰不知看見"索女‧喪屍‧機關槍", "玩命‧飛車‧殺人狂", "哈利波特", "變型金鋼", "草裙娃娃呼啦啦"等幾乎一部接著一部不停上映, 連周總的"不能說的秘密"也殺到, 還有動漫影展及夏天國際電影節......
筆者想起連剛落畫的"殺謎藏"也未動筆, 不禁出了一身冷汗, 不敢怠慢, 決定動筆疾書.
先寫三部: "殺謎藏", "索女"及"飛車"
"殺謎藏"根據真人真事改篇, 是美國三藩市灣區的連環殺手真實故事. 整件案件橫跨十多年, 至今已成懸案, 三藩市警方已將其檔案公開, 以便公眾能隨時提供更多線索.
筆者是一早便決定看此片的. 除了因為是"七宗罪"導演David Fincher外, 其預告片亦深深吸引著筆者:
預告片尾段中, 在那些充滿殺機緊張的畫面中, 背景卻播著輕鬆寫意的田園主題曲 (以上影片中1:14開始), 化學作用極強烈, 令筆者一看難忘.觀賞後是沒令筆者失望的, 並與友人在離場後相互討論甚久. 始終是真人真事, 沒有任何誇張失實, 為營造氣氛而設計的情節, 以平敍的節奏推進, 真實感極強. David Fincher (右上角) 不愧為黑色電影的大師級人馬, 全片籠罩著沉重黑色的感覺, 黑夜鏡頭蠻多, 氣氛營造出色. 筆者在銀幕前猶如加入了主角的一份子, 緊緊追咬著那連環殺手不放.
每次有一線索, 便覺離兇手真面目近了一步, 而最後總是差那麼一點點......近一步, 差一點; 再近一步, 再差一點......跟隨著那警探及報章漫畫家追蹤過程的高低起落而牽動觀眾情緒, 兩個半小時便這樣過去, 留下給觀影者的, 是一片懸案未解, 兇手己呼之欲出的感覺. 相信筆者, 要是有心的觀眾看後, 返家是一定會上網翻查其詳細資料的.
下毒手的鏡頭沒有刻意造出驚嚇效果, 但也正正因為平實如此, 這樣猶如真實發生的過程才真真正正的叫人膽寒. 明顯與一般荷里活追兇片不同, 本片有著極多的細節及案件多年來千絲萬縷的關係, 無疑是一定要帶腦子進場的.另外很特別的, 此片並不重點於追兇的曲折過程, 反而焦點於主角們的心理轉變.
其中"斷背山"男星Jake Gyllenhaal尤其出色. 他所飾演的報章漫畫家因對解謎著迷而深深被此案吸引著. 他孜孜不倦地追兇, 並在十多年間經歷了結婚, 生子, 夫婦感情出現危機的過程. 他因為案件而認識了太太, 也因為對此案太偏執而讓她一怒下分居.那份偏執絕對是全片眾演員中演技最出色的地方, 他實在演得絲絲入扣, 在筆者眼中, 比起那連環殺手, 這種連綿十多年, 無間斷讓他幾乎妻離子散的偏執可能更可怖.
雖不是"七宗罪"般經典, 但"殺謎藏"無疑是一部引人入勝, 是喜歡用腦追兇影片的觀眾的首選.
但假若閣下發現當天自己不想用腦子, 有點心煩氣燥, 鬱鬱不歡, 悶悶不樂, 欲渲泄而不可得時, 筆者誠意推薦兩部電影給閣下: "索女‧喪屍‧機關槍"以及"玩命‧飛車‧殺人狂". 筆者保證, 閣下看過這兩部電影後, 必定煩惱盡去, 心境豁然開朗.以筆者現場所見, 觀眾看後無不拍爛手掌, 大呼過癮透頂.
Quentin Tarantino以及Robert Rodriguez兩位"搞野型格"導演今回認真地"搞野",一起製作了一部B級長Cult片: Grind house. Grind house是指美國專門播放B級片的電影院, 有點像香港當年的油麻地戲院.B片 (或專業點叫Cult片) 是什麼? 基本上它是粗俗, 濫造, 誇張, 賣弄色情, 喪搞笑, 核突, 無聊恐怖, 血腥以及最重要: 無厘頭的電影.
也就是說"索女"以及"玩命"本是同一部電影 (原名便是Grind house), Quentin導演"玩命"而Robert導演"索女". 香港不可能放映這麼長的電影, 創作了兩個片名便一分為二上映. 筆者兩部也看過, 為了尊重兩位導演的"搞野"精神, 筆者也決定用一位金毛強的語氣口述下列影評.
[敬請注意! 以下片段含有大量不雅用語!]
“咩呀~ 無野講架~ 好X正tim! 一睇就知爛片啦, 不過爛得黎又笑X到我X街wor~ 咩剪接, 鏡頭乜X野技術我就唔X識架啦, 不過我聽到有條友講得好好, 話"索女"呢套戲"條女好索, 條屍好喪"! 我覺得佢講得好X啱.條女索到出哂油, 佢開頭跳舞火X辣到阿叔火都黎埋, d衫又少布, 中間上床個段仲正, 又型, 係唔知邊條X街係個高潮位整X爛左條片, 搞到無野睇, 妖~ 我而家仲興烚烚呀! 陰公~
其實除左條女之外我都無乜留意到其他野, 都無劇情架啦~ 咪d軍佬想要生化氣體, 跟住唔知d乜Q病毒洩X漏哂出黎, d人變X哂喪屍, 跟住咪影住男女主角成班人一路打喪屍, 一路著草咁走囉.不過入得戲院都唔帶腦架啦, 入戲院讀書咩? 總之搞野搞笑就得啦, 仲有好X多斷手斷腳飛Q哂出黎, d喪屍好似啫喱咁比打人打爆哂. 血X腥咩~ 小兒科啦, 睇見d人都唔知睇得幾過癮.
無計架~ 個feel咁正, X佢老X, d畫面顏色好X似返番去七, 八十年代咁.講起又真係好Q無厘頭. 條友 (男主角是也~) 係醫院無端端打到飛起, 凌空刀仔"隊"喪屍呀~ 大佬! 但係跟住又騎騎呢呢咁揸架BB電單車係公路飛車, X佢臭X, 又真係好X好笑. 不過最Q型就係條女架啦 (女主角是也~) ~俾人炸X斷隻腳不但無事反而仲打得, 裝埋枝機槍係腳度, 係咁掃d喪屍真係型X到爆. (佢當然無諗到個女主角係點開槍)
聽d friend講好似話阿導演 (佢記錯左, 其實Quentin係"飛車"導演, 他只在"索女"中客串) 同布咩斯 (係Bruce Willis) 都有客串, 我見佢地兩條友好X搞鬼. 最後兩個人都變X哂喪屍, d肉爛到一舊舊咁跌出黎, 好X核突. 不過又真係好X high. (左上角戴面罩者正是Quentin Tarantino)[中途補述: "索女"一片確實拍得令人快意, 而導演監製均故意有不少細節重塑當年Cult片的特點, 不只是電影內容, 連其海報也故意做出錯體版 (那機關槍腳左右倒轉). 是故再次提醒各位, 如欲觀看此片, 請抱一個"搞野"的心情觀賞.]
至於"飛車"個套死人野就好X極端. 中間有成兩大段, 都唔X知有無成半個鐘, 都只係影X住班八婆吹水. 嘩~ X佢老X個臭X, 悶X到我呀! 第一班女吹水個陣只係五分鐘我已經訓到成隻豬咁......
不過都唔知係唔係悶得太耐, 到第一次飛車意外個陣就成個人醒哂, 好X刺激!X佢X街, 個變態佬揸住架車成百幾公里咁撞埋去, 痴X線架! 咩都死啦! 個導演仲X街到要慢鏡拍, 睇住成隻腳飛出去呀~ 大佬! 總之就突然好X震撼!
我都懷疑個X街導演係咪有心玩野 (是的~), 撞完車之後就見到"索女"入面同一間醫院, 又係個個痴痴地線, 但又好X索個女護士, 仲有兩個老差佬都好似係"索女"入面見過 (其實現實中個漂亮女護士同個老警察係兩父女黎).跟住鏡頭一轉又影住另一班八婆吹水, 咁我梗係又訓多陣先啦. 話時話第二班d女就無咁索wor~ 有幾件仲好樣衰tim. 算啦~ "索女"都睇到我與X哂......
訓醒左就見到個班女同條變態佬"綀"車, 又係突然間刺激到飛起. 不過呢班女比第一班真係勁好X多, 好X惡梗. 條變態佬都俾佢地嚇到賴X賴X. 都抵佢死架啦! 開頭就咁變態係度殺人, 而家俾第二班女玩番轉頭.最後條粉腸俾人追到車都抄埋, 係咁叫救命真係好X無用, 而家先肴底就X街啦. 咪俾班女拖出去係咁打, 最後一條碎頭腿飛埋去, 成套戲就咁X完左, 都唔知條X街最後有無俾d女打死.
總之全場d女都睇得好開心, 我就覺得"索女"過癮d, 咁d女真係索好X多呀嘛~ 你話係咪先~......(以下由於有太多粗口及無關套戲事, 是故簡略之~)”
總括而言, "殺謎藏", "索女"及"飛車"均是內容及風格上南轅北轍的電影, 可謂各自各精彩, 各位可以"對號入院"或"對號買碟"觀賞. 筆者三部也喜歡, 但可能近日真的看得太多正經沉實的電影, 就感覺而言, "索女"及"飛車"已成為今年最令筆者過癮及捧腹的電影.另外值得一提的, 是於"索女"一片中, 導演為求做到真正Cult片感覺, 特別在片首播出一段假造, 由"Grind house"出品的"新片"預告. 是很認真製作的假預告片, 有完整內容及人物, 名為"大砍佬" (Machete). 片段收錄如下:
"索女"及"飛車"的出品人Bob Weinstein看過後竟然深感興趣, 真的決定開拍, 同樣由Robert Rodriguez執導, 預計2008年上映, "搞野"搞成這樣, 真係要寫個"服"字! (以上消息由Agnestse提供~)
另外有三段本身與"大砍佬"相同的假預告片, 分別為"Don't", "Thanksgiving"及"Werewolf Women of The S.S.", 以下是其三合一"預告片", 友人Agnes另有文章"專題介紹此三段"預告片", 如有興趣可: 按此